Sila nga nanagsalig kang Yahweh Maingon sa bukid nga Sion, nga dili matarug, kondili magapabilin sa walay katapusan. 2 Maingon nga sa Jerusalem nanaglibut ang kabukiran, Ingon niini si Yahweh nagalibut sa iyang katawohan Sukad karon ngadto sa umalabut ug sa walay katapusan. 3 Kay ang baras sa kadautan dili mahamutang sa ibabaw sa bahin sa mga matarung; Aron ang mga matarung dili makabakyaw sa ilang mga kamot ngadto sa kasal-anan. 4 Buhata ang kaayohan, Oh Yahweh, niadtong mga tawong maayo, Ug ngadto kanila nga mga matul-id sa ilang mga kasingkasing. 5 Apan alang niadtong mga mingtipas ngadto sa ilang mga dalan nga baliko, Si Yahweh mao ang magamando kanila uban sa mga mamumuhat sa kasal-anan. Ang pakigdait sa ibabaw sa Israel.