Managhugyaw kamo nga malipayon alang kang Yahweh, mga pumoluyo sa tanan nga yuta. 2 Sa kalipay panag-alagad kamo kang Yahweh: Dumuol kamo sa presencia niya nga may pag-awit. 3 Ilhon ninyo nga si Yahweh, siya mao ang Dios: Siya mao ang nagbuhat kanato, ug kita mga iya man; Kita mao ang katawohan niya, ug ang mga carnero sa iyang sibsibanan. 4 Sumulod kamo ngadto sa iyang mga ganghaan uban ang pasalamat, Ug ngadto sa iyang mga sawang uban ang pagdayeg; Ihatag ang mga pasalamat ngadto kaniya, ug dayegon ninyo ang iyang ngalan. 5 Kay si Yahweh maayo man; ang iyang mahigugmaong-kalolot nagapadayon sa walay katapusan, Ug ang iyang pagka-matinumanon ngadto sa tanang mga kaliwatan.