Ug niadtong adlawa ikaw magaingon: Pagapasalamatan ko ikaw, Oh Yahweh; kay bisan ikaw nasuko kanako, ang imong kasuko gikuha mo, ug ako gilipay mo. 2 Ania karon, ang Dios mao ang akong kaluwasan; ako masalig, ug dili mahadlok: kay si Yahweh, bisan si Yahweh, mao ang akong kusog ug ang akong alawiton; ug siya nahimong kaluwasan ko. 3 Busa uban ang kalipay kamo managtimba ug tubig gikan sa mga atabay sa kaluwasan. 4 Ug niadtong adlawa kamo magaingon: Pasalamati si Yahweh, sangpita ang iyang ngalan, ipahayag ang iyang mga buhat sa taliwala sa mga katawohan, pahibalo nga ang iyang ngalan ginabayaw. 5 Manag-awit kamo kang Yahweh; kay siya nakabuhat ug mga butang maayo uyamut: isangyaw kini sa tibook nga yuta. 6 Suminggit ka ug tumiyabaw, ikaw pumoluyo sa Sion; kay daku ang Balaan sa Israel sa imong kinataliwad-an.